Kuvendi i Kosovës ka dështuar sërish të konstituohet, edhe pas përpjekjes së 17-të.
Në seancën e mbajtur të shtunën, propozimi për formimin e komisionit për votimin e fshehtë mori vetëm 53 vota për dhe një kundër, duke pamundësuar vazhdimin e procesit për zgjedhjen e kryetarit të Kuvendit.
Seanca e radhës është thirrur për ditën e hënë, më 20 maj, në ora 10:30.
Në fillim të mbledhjes së fundit, deputetët e nderuan me një minutë heshtje veprimtarin Ukshin Hoti, i cili rezulton i zhdukur tash e 26 vjet.
