Donald Trumpi është i gatshëm të aktivizojë Aktin e Kryengritjes, në rast se e sheh të nevojshme.
Akti i Kryengritjes autorizon presidentin të vendosë forca ushtarake brenda Shteteve të Bashkuara, për të shtypur rebelimin ose dhunën në familje, ose për të zbatuar ligjin në situata të caktuara.
Vendimi mund të vijë pasi në Los Angeles nisen protesta masive, pasi Zyrat e Imigracionit dhe Doganave bastisën disa vende të qytetit për të arrestuar njerëz të dyshuar për përfshirje në imigracion ilegal dhe shkelje të tjera ligjore në SHBA.
Deklarata e Trumpit vjen pasi ai ka nxjerrë në rrugët e Los Angeles më shumë se 4,000 anëtarë të Gardës Kombëtare, teksa 700 marinsa pritet të dalin së shpejti.
Kjo është hera e parë në dekada që Garda Kombëtare e një shteti u aktivizua pa një kërkesë nga guvernatori i tij.
Guvernatori i Kalifornisë, Gavin Newsom, paraqiti një kërkesë emergjente në gjykatën federale të martën, për të bllokuar administratën e Trumpit nga përdorimi i Gardës Kombëtare dhe Marinsave në Los Angelos.
Sipas kërkesës, numri i protestuesve u rrit pasi presidenti amerikan urdhëroi vendosjen e ushtrisë
Edhe pse deklaratat dhe përplasjet e Trumpit me Newsomin kanë qenë të ashpra, situata në rrugë duket se është ndryshe. Pas trazirave të dhunshme, në Santa Ana, qytetarët u ofruan ushtarëve të Gardës ujë dhe ushqim.
Anëtarët e Gardës fillimisht u vendosën për të mbrojtur ndërtesat federale.
Ata nuk kanë të drejtë të kryejnë operacione të zbatimit të ligjit, të tilla si arrestimet.
