Policia jep detaje, një i vdekur dhe katër të lënduar në autostradën “Ibrahim Rugova”

Në aksidentin e sotëm në autostradën “Ibrahim Rugova” ka humbur jetën një person ndërsa katër të tjerë kanë mbetur të lënduar.

Aksidenti ka ndodhur mëngjesin e sotëm, ndërkaq lajmin për Ekonomia Online e ka konfirmuar edhe zyrtari për informim i Policisë së Kosovës, Daut Hoxha.

Hoxha ka dhënë detaje të reja nga aksidenti ku një person ka humbur jetën dhe katër të tjerë kanë mbetur të lënduar.

“Bazuar ne informacionet e para është raportuar për një aksident të rëndë Trafiku me pasoja fatale, të shkaktuar sot rreth orës 10:00 paradite në Autostradën “Ibrahim Rugova” ku një person ka humbur jetën dhe 4 tjerë kanë marrë lëndime trupore. Njësitet kompetente policore për menaxhimin e trafikut në autostrada janë duke u marrë me rastin dhe duke hetuar shkaqet dhe rrethanat se si ka ardhë deri te ky aksident tragjik. Rreth orës 10:30 autostrada drejtimi Duhël-Suharekë është bllokuar për qarkullim”, ka thënë Hoxha