Zhvillohet sot seanca e radhës për Gucatin dhe Haradinajn

Dhomat e Specializuara të Kosovës në Hagë sot, me fillim nga ora 15:00, do të mbajnë konferencën e radhës për ecurinë e çështjes në rastin Hysni Gucati dhe Nasim Haradinaj.

Drejtuesit e OVL së UÇK-së janë në paraburgim që nga viti i kaluar.

Më 25 shtator, Gucati dhe Haradinaj u arrestuan si të dyshuar nga Zyra e Prokurorit të Specializuar, me mbështetjen e EULEX-it dhe policisë së Kosovës dhe u transferuan në objektin e paraburgimit të Dhomave të Specializuara të Kosovës në Hagë.

Paraqitja e parë e Haradinaj si i dyshuar u mbajt më 29 shtator dhe paraqitja e parë e Gucati si i dyshuar u mbajt më 1 tetor.