Vetëvendosje me “formulë” të re për kandidatët që duan të garojnë për deputet: I nënshtrohen zgjedhjeve

Lëvizja Vetëvendosje e drejtuar nga Albin Kurti ka njoftuar për formën se si dikush mund t’i hyjë garës për deputet, raporton Gazeta Blic.

Në një njoftim të lëshuar për media, thuhet se VV shpall zgjedhjet e brendshme për kandidatë për deputetë.

Njoftimi i plotë:

Lëvizja VETËVENDOSJE! shpall zgjedhjet e brendshme për kandidatë për deputetë

Demokracia e brendshme është një nga shtyllat më të rëndësishme të organizimit tonë. Në përputhje me Statutin e Lëvizjes VETËVENDOSJE! dhe Rregulloren e Zgjedhjeve të Brendshme, Komisioni Zgjedhor i Përgjithshëm i Lëvizjes VETËVENDOSJE! shpall zgjedhjet e brendshme për kandidatët për zgjedhjet e parakohshme parlamentare të 14 shkurt 2021.

Të gjithë anëtarët e Lëvizjes, të interesuar për të kandiduar në këto zgjedhje duhet të paraqesin deklaratën e kandidaturës me dokumentacionin shoqërues brenda 48 orëve nga publikimi i këtij njoftimi. Në secilën Qendër të Lëvizjes VETËVENDOSJE! janë ngritur Komisionet Zgjedhore ad hoc të Qendrave, ku anëtarët e interesuar mund të drejtohen për çdo informacion të mëtejshëm.

Me besimin e plotë në vlerat e demokracisë sonë të brendshme dhe në respektim të Statutit, ky proces synon të çojë përpara kandidatet dhe kandidatët më të përgatitur për fitoren plebishitare të Lëvizjes VETËVENDOSJE!.

Prishtinë
10.01.2021
Komisioni Zgjedhor i Përgjithshëm
Lëvizja VETËVENDOSJE!