Shërbimi Korrektues i Kosovës përmes një njoftimi ka bërë të ditur se në spitalin rajonal të Pejës ka vdekur një i burgosur.
Siç ka bërë të ditur ShKK-ja, i ndjeri me iniciale, F.F gjatë qëndrimit të tij në Qendrën Korrektuese Dubravë, vazhdimisht ka qenë me probleme shëndetësore të sistemit kardiak dhe me aparat të mbajtjes së ritmit, si dhe me sëmundje të sistemit urinar dhe në dializë për një kohë të gjatë.
“Në Spitalin Rajonal të Pejës vdes një i burgosur. Shërbimi Korrektues i Kosovës, njofton opinionin publik se sot rreth orës 09:50 në Spitalin Rajonal të Pejës, ka ndërruar jetë i burgosuri F.F viti i lindjes 1953. Gjatë qëndrimit të tij në Qendrën Korrektuese Dubravë vazhdimisht ka qenë me probleme shëndetësore të sistemit kardiak dhe me aparat të mbajtjes së ritmit (peace maker), me sëmundje të sistemit urinar dhe në dializë për një kohë të gjatë”, thuhet në njoftim.
Tutje, në njoftim thuhet se organet kompetente janë duke i zhvilluar procedurat ligjore.
“Tërë kohën ka qenë i shtrirë në Stacionarin e Burgut dhe kohë pas kohe, sipas nevojës dhe rekomandimeve të specialistëve edhe në QKUK dhe në SP në Pejë. Nga data 05.01.2021 me rekomandim të mjekut të Q.K Dubravë është hospitalizuar në Repartin Kirurgjik të Spitalit Rajonal të Pejës, ku përkundër ofrimit të ndihmës mjekësore, i njëjti ka ndërruar jetë. Organet kompetente janë duke i zhvilluar procedurat ligjore”, thuhet në njoftim
