Tre nga të plagosurit në tragjedinë në Lipjan janë në gjendje të rëndë në QKUK

Tre nga pesë personat e plagosur sot si pasojë e gjuajtjeve me armë zjarri në fshatin Hallaq i Madh të Lipjanit, janë në gjendje të rëndë shëndetësore.

Kështu ka bërë të ditur mjeku kujdestar në Klinikën Emergjente, Naser Syla, i cili tha se tre persona po trajtohen në mjekimin intensiv, si shkak i plagëve të rënda që kanë pësuar në pjesë të ndryshme të trupit. Syla tha se gjendja e këtyre të fundit është jo stabile.

“Sot rreth orës 08:00 të mëngjesit janë pranuar shtatë raste. Gjashtë të plagosur, ndërsa një për fat të keq pa shenje jete, që edhe pas masave të marra të reanimimit nuk kemi arritur të bëjmë asgjë më shumë edhe ka ndërruar jetë. Kurse gjashtë të tjerë prej tyre janë të plagosur me armë sklopetare, dy janë ende ka punohen në sallën e operacionit, një tani pret për t’u futur. Janë kryer të gjitha ekzaminimet në qendrën emergjente. Një është pranuar në kirurgjinë torakale për tretman të mëtutjeshëm, një është pranuar në klinikën e ortopedisë, i fundit është lëshuar në shtëpi për shkak të lëndimeve më të lehta që ka pasur”, tha Syla.

Ndërsa forca të shtuara të policisë janë mbledhur te hyrja e Qendrës Emergjente për të mbajtur situatën nën kontroll./Gazeta Sinjali/

SHARE