Si ndodhi vrasja e 48-vjeçares në Llaushë

Një ngjarje tragjike ka tronditur dje Skenderajn dhe gjithë Kosovën pasi burri e kishte qëlluar për vdekje gruan e tij. Vëllai i dorasit tregon se 51 vjeçari kishte kriza nervore dhe nuk kishte pranuar të shkonte tek psikologu.

Kishte vetëm pak ditë që familja e 48-vjeçares tashmë të ndjerë dhe burrit të saj 51-vjeçar nga Lllausha e Skënderajt ishin takuar.

E arsyeja e këtij takimi ishte që çifti të pajtoheshin.

Por kjo përpjekje rezultoi e kotë.

Pikërisht në shtëpinë ku dy familjet u takuan për t’u pajtuar ndodhi krimi i rëndë.

Dyshohet se viktima u privua nga jeta me armë zjarri nga burri i saj 51-vjeçar.

Anipse 2-3 javë më parë gruaja e kishte denoncuar rastin në Polici, i dyshuari ishte intervistuar vetëm 5 orë e më pas është lënë i lirë.

Vëllai i dorasit ka thënë se institucionet e sigurisë do duhej ta mbanin në burg të paktën 2-3 muaj.

Kjo pasi sipas tij, ai për shkak të kushteve jo të mira ekonomike po kalonte kriza nervore.

Ai ka bërë të ditur se kunata e kishte duruar shumë shkaku i fëmijëve derisa e quante njeri të bekuar.

Në anën tjetër familja e së ndjerës tashmë ka hapur të pame për krye shëndosh në Burojë.

Ai ka treguar edhe gjendjen në të cilën janë 3 fëmijët.

E pasi 48-vjeçarja u qëllua me armë zjarri nga bashkëshorti i saj ajo u dërgua në Qendrën e Mjekësisë Familjare në Skënderaj.

Sipas Prokurorisë Themelore në Mitrovicë dorasi ka shtënë gjashtë herë në drejtim të viktimës, të cilën e ka goditur në trup dhe si pasojë e plagëve të marra viktima ka ndërruar jetë.

Banorët e këtij fshati kanë treguar se pas 22 viteve ndodhë një rast i tillë në Llaushë.

SHARE