Rrokulliset cisterna me naftë në Zahaq të Pejës, lëndohen dy persona

Një cisternë me naftë është rrokullisur pasditen e sotme në Zahaq të Pejës, ku si pasojë kanë mbetur dy persona të lënduar. Ky rast është vetaksident, derisa janë shkaktuar edhe dëme materiale.

Rastin e ka konfirmuar zëdhënësi i Policisë për Rajonin e Pejës, Driton Rugova.

“Një vetaksident ka ndodhur në orën 16:30 në fshatin Zahaq, si pasojë, dy persona kanë pësuar lëndime trupore. Në vendin e ngjarjes kanë arritur ndihma e shpejtë dhe zjarrfikësit”, ka deklaruar Rugova. /Sh.Pajaziti