Nisin reduktimet e ujit, në Pejë me rrethinë

Qyteti me burimet më të mëdha të ujit në Kosovë, Peja me rrethinë do të ketë reduktime uji.

KRU “Hidrodrini”, njofton konsumatorët e rajonit të Pejës dhe komunave që mbulon se, si rezultat i mungesës së gjatë të rreshjeve atmosferike, nga thatësirat e muajit shtator dhe tetor, është krijuar rënie enorme e sasisë së ujit nëpër burime dhe kjo ka shtyrë që nga sot KRU “Hidrodrini” të aplikojë reduktime në furnizim me ujë.

“KRU ‘Hidrodrini’ po bën përpjekje maksimale që këtë situatë ta tejkalojë me sa më pak mungesë të ujit të pijshëm për konsumatorët.

Edhe njëherë, qytetarët e rajonit të Pejës, janë të lutur që sasinë e ujit ta përdorin racionalisht. Një gjë e tillë do lehtësonte furnizimin proporcional me ujë për të gjithë dhe do ndikonte në zbutjen e reduktimeve.

Reduktimet do të vazhdojnë deri në njoftimin e radhës nga KRU “Hidrodrini”.

Me keqardhje kujtojmë se një situatë e njejtë paraqitet në të gjitha rajonet e Kosovës” thuhet në njoftim.

SHARE