Mehaj takohet me gjeneralin Clark: Personalitet madhështor në mendjet e zemrat tona

Ministri i Mbrojtjes Armend Mehaj priti sot në takim Ish-komandantin suprem të NATO-s, gjeneralin me katër yje, Wesley Clark, njëherit heroin tonë kombëtar , i cili udhëhoqi operacionin ushtarak të NATO-s kundër forcave kriminale serbe gjatë luftës në Kosovë, në vitin 1999.

Ky takim është në vazhdën e komunikimeve të rregullta të Ministrit Mehaj me Gjeneral Clark, me rëndësi shumë të madhe në rrugëtimin e Ministrisë së Mbrojtjes dhe FSK-së drejtë realizimit të synimeve strategjike.

Gjithashtu të dy, përveç temave në kontinuitet, diskutuan edhe për zhvillimet në kontekstin e ri gjeopolitik dhe ndikimin në mjedisin e sigurisë në rajonin tonë.

Ministri Mehaj në deklaratën e tij theksoi se Gjeneral Clark, përveç personalitetit të tij madhështor në mendjet dhe zemrat tona, mbetet udhërrëfyesi ynë më i qartë në procesin e zhvillimit dhe realizimit të synimeve tona strategjike.

SHARE