KRYETARI ELEZAJ, INSPEKTOI FILLIMIN E NDËRTIMIT TË IMPIANTIT TË UJËRAVE TË ZEZA NË VOLLJAK

Kryetari i Komunës së Klinës, Prof. Dr. Zenun Elezaj, vizitoi fshatin Volljak, ku ka inspektuar nga afër fillimin e punimeve në ndërtimin e impiantit për trajtimin e ujërave të zeza.

Ky projekt financohet nga Zyra Zvicerane për bashkëpunim në Kosovë dhe Qeveria e Kosovës, përmes Ministrisë së Financave dhe Zhvillimit Ekonomik, ndërsa implementues i këtyre donacioneve është Dorsch dhe CDI.

Donacioni i realizimit të këtij projekti kap shumën në vlerë prej mbi 180 mijë euro.

Kryetari Elezaj me këtë rast shtoi se ky projekt do të përmirësojë cilësinë e jetës së banorëve të fshatit Volljak dhe se investime të tilla kanë impakt edhe në mbrojtjen e tokës, burimeve ujore dhe të mjedisit në përgjithësi.

Impianti për trajtimin e ujërave të zeza në fshatin Volljak, do të ketë kapacitetin e grumbullimi dhe trajtimin e ujërave të zeza për nevojat e 4.000 banorëve.

Elezaj, në fund shprehi mirënjohje të thellësishme dhe falënderime për Zyrën Zvicerane, për bashkëpunim në Kosovë dhe theksoi se investime të tilla në sektorin e trajtimit të ujërave të zeza do të vazhdojnë edhe në të ardhmen.

SHARE