Ndeshja e ndërprerë mes Gjilanit dhe Ballkanit është regjistruar me rezultat zyrtar 0:3 në favor të skuadrës suharekase, merr vendim Komisioni i Garave i FFK-së.
Komisioni i Garave i Federatës së Futbollit të Kosovës ka marrë vendim të regjistrojë me rezultat zyrtar 0:3 ndeshjen e ndërprerë në minutën e 94-të, për shkak të sulmit fizik ndaj portierit të Ballkanit, Stivi Frashëri nga tifozët e Gjilanit.
Komisioni i Garave i FFK-së gjithashtu ka marrë vendim të inicoj procedurë disiplinore ndaj SC Gjilanit për shkak të dështimit në organizim të ndeshjes.
Vendimi i plotë:
Gjatë administrimit të gjitha shkresave në lëndë dhe xhirimeve televizive, Komisioni i Garave konstatoj se sipas nenit 71, paragrafi 1 të Rregullores së Garave, janë përmbushur të gjitha kushtet për administrim dhe vendimmarrje sipas detyrës zyrtare. Në bazë të nenit 23 dhe 24 të Propozicioneve të Garave, organizimin e ndeshjes e bën klubi nikoqir përmes zyrtarëve të vet, përfaqësuesit zyrtar dhe përfaqësuesit për siguri dhe të njëjtit si përfaqësues të SC Gjilani kanë dështuar në organizimin e kësaj ndeshje dhe si pasojë e kësaj kishte hyrje të shikuesve në fushë, dy nga të cilët sulmuan fizikisht-shqelmuan lojtarin (portierin) e FC Ballkani me nr.77 Stivi Frashëri, me ç`rast vije deri te ndërprerja e ndeshjes në minutën e 90+4, te rezultati 1 : 1.
Bazuar në nenin 59, paragrafi 1 i propozicioneve të garave: Nëse ndeshja ndërpritet për shkak të sulmit fizik ndaj gjyqtarëve apo lojtarëve, e njëjta do të regjistriohet me rezultat zyrtar 3 : 0 në favor të ekipit të dëmtuar, pranadaj duke u bazuar në këtë nen ekipi i dëmtuar në këtë ndeshje është FC Ballkani, kështu që ndeshjen e javës së 27-të në mes të SC Gjilani – FC Ballkani, Komisioni i Garave e regjistron me rezultat zyrtar 3 : 0 në favor të FC Ballkani, kurse ndaj ekipit dhe shkaktarit të incidentit do të inicohet procedura disiplinore.
