Kjo është gjendja e të lënduarve në aksidentin që ndodhi në Klinë

18 persona kanë mbetur të lënduar në një aksident që ndodhi sonte në fshatin Grabanicë të Klinës.

Për portalin rtv21.tv nga Spitali i Përgjithshëm i Pejës kanë treguar se të lënduarit janë duke u trajtuar dhe se për momentin nuk ka rrezik për jetën.

“Janë duke u trajtuar tek ne, për momentin nuk ka rrezik për jetën, por mjekët janë duke i trajtuar në fazën fillestare”, thuhet në përgjigjen e spitalit.

Aksidentin e sotëm për rtv21.tv e ka konfirmuar zëdhënësi i Policisë së Kosovës për rajonin e Pejës, Fadil Gashi, i cili ka treguar se  ishin të përfshira 4 vetura./21Media

SHARE