Japonia ndihmë 100 milionë dollarëshe Ukrainës

Qeveria japoneze ka ndarë 100 milionë dollarë për t’i dalë në ndihmë Ukrainës, e cila po përballet me agresionin e pushtimit nga Rusia.

Kjo është një gatishmëri e autoriteteve japoneze që u përgjigjën përpjekjeve të Perëndimit për t’i dalë në ndihmë Ukrainës e cila që nga 24 shkurti është mobilizuar për t’u mbrojtur nga pushtimi i ushtrisë ruse.

Lajmin për këtë ndihmë e dha vet presidenti ukrainas Volodomyr Zelensky përmes llogarisë së tij në Twiter.

“Bisedova me kryeministrin e Japonisë Fumio Kishida. Faleminderit për mbështetjen e fortë për Ukrainën në luftën kundër agresionit. Japonia ndan 100 milionë dollarë për ndihmën e miratuar tashmë prej 100 milionë dollarësh, mbështet plotësisht sanksionet e ashpra kundër Rusisë. Faleminderit! Një koalicion I vërtet global kundër luftës, funksionon”, shkroi ai.

Ndërkaq kryeministri Japonez po ashtu përmes llogarisë së tij në Twitter tha se “Japonia deklaron mbështetje të vendosur për sovranitetin dhe integritetin territorial të Ukrainës dhe qëndron së bashku me qytetarët e Ukrainës, të cilët po bëjnë maksimumin për të ndërmarrë veprime për të mbrojtur atdheun dhe familjet e tyre”.