Ministria e Drejtësisë ka formalizuar grupin punues për hartimin e koncept dokumentit për themelimin e Institutit për krimet të kryera gjatë luftës në Kosovë.
MD-ja ka ftuar qytetarët që posedojnë dokumente të dërgojnë në adresën e tyre.
Njoftimi:
Të nderuar qytetarë të Republikës së Kosovës,
Ju njoftojmë se Ministria e Drejtësisë ka filluar të pranojë dokumente dhe dëshmi të tjera për krimet e kryera gjatë luftës së fundit në Kosovës.
Të gjithë qytetarët, organizatat dhe të tjerët të cilët posedojnë dokumente, dhe dëshmi që përmbajnë fakte, hulumtime të cilat i kanë kryer dhe i konsiderojnë relevante të na i dërgojnë në këtë email adresë [email protected].
Adresimi i krimeve të luftës është një ndër prioritetet e Ministrisë së Drejtësisë prandaj për këtë kërkojmë bashkëpunimin tuaj.
