Dy vajza të dyshuara me coronavirusin, në QKUK

Dy vajza që kanë ardhur nga Italia në vendin tonë po trajtohen si raste të dyshuara me coronavirusin.

Lajmi është konfirmuar nga infektologu në Klinikën Infektive të QKUK-së, Valbon Krasniqi.

“Asnjë rast me coronavirusin nuk e kemi deri tani. Këto raste të dyshuara pothuajse kemi çdo ditë, por deri tani nuk ka asgjë. Për vajzat po presim rezultatet”, deklaroi Krasniqi.

Siç bëhet e ditur, vajzat janë të moshës 20 dhe 23-vjeçare.

Ndryshe, deri dje në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 57 mostra të dyshimta me virusin SARS-CoV-2 dhe të gjitha kanë rezultuar negative.

Qytetarët janë më shumë të shqetësuar sot për shkak se raste me këtë virus tashmë janë konfirmuar edhe në Shqipëri

SHARE